Кога ќе ги погледнеме фотографиите од синоќешното доделување на VMA наградите во Њујорк, ќе забележиме дека сè се сведува на Ким, Бијонсе и Ники Минаж.
Трите познати дами и нивниот избор на облека за црвениот тепих повторно се најдоа во центарот на вниманието, секоја на свој начин и со својата препознатливост.
Бијонсе соработуваше со дизајнерот Francesco Scognamiglio и носеше раскошен металик модел од неговата есенска колекција.
Несомнено е дека пејачката се претвори во вистинска ледена кралица која блескаше на црвениот тепих во придружба на ќерката, Блу Ајви. Можеби токму затоа сите очи беа вперени во „кралицата“ и нејзината мала помошничка.
За разлика од неа Ким Кардашијан ја остави Норт дома и се појави на VMA во придружба со сопругот Каније Вест. Додека таа беше секси заводничка во минималистички црн фустан, тој се најде во улогата на добро момче во бело.
Совршена комбинација, со оглед на тоа дека Ким и Каније секогаш сакаат да се надополнуваат еден со друг кога се заедно на црвениот тепих.
Ники Минаж се потруди да биде забележана така што избра креација од Bao Tranchi и ги остави гаќичките дома. Фустанот одлично ги долови нејзините облини и истакна сè што требаше да биде во преден план.
Среќна и задоволна, Минаж накратко позираше во прегратките на своето момче, Мик Мил.
Што носеа преостанатите ѕвезди на црвениот тепих и кој од нив потфрли во модниот избор погледнете во прилог.
