Постојат парчиња облека кои се безвременски. Никогаш нема да излезат од мода и секогаш ќе бидат дел од основата на секој гардеробер.
Нив не треба да ги фрлите и тие се одлични класики на кои ќе се навраќате низ повеќе сезони.
Кои се парчиња облека кои не треба да ги фрлите?
Кожна јакна (или имитација на кожа)
По можност црна и по можност од вистинска кожа. Но, ако не сте во можност да си дозволите јакна од вистинска кожа, купете јакна која е со имитација на кожа.
Блејзер во светла боја или интересен дезен
Блејзерот со светло розе боја или пак со смел цветен дизајн ќе биде парчето облека со кое ќе се истакнете, но и кое ќе можете да го комбинирате со поедноставните парчиња. Како блузите или кошулите во само една боја.
Фармерки
Со правилната комбинација фармерките може да бидат кежуал или софистицирани. Кежуал варијанта може да постигнете со едноставна спортска маичка и патики, a повеќе деловна со високи потпетици и одлична кошула.
Мантил
Во класична црна боја, крем или црвена боја, мантилот е безвременски и елегантен.
Бела класична кошула
Струкирана или не, белата класична кошула е одличен избор за секоја жена. Можете да ја комбинирате за секоја пригода. Таа никогаш нема да престане да биде возбулива и покрај едноставноста која ја има во дизајнот.
Црни панталони
Одлично одат во комбинација во голем дел од горе споменатите парчиња облека, а особено со мантилот и белата кошула.
Мал црн фустан
Малиот црн фустан секоја жена треба да го има во својот плакар во секое време. Ќе ви спаси многу време и нервози при секоја формална прилика и со вистинските потпетици, ќе го носите многу долго време.
Тексас јакна
Таа е совршениот медиум меѓу елегантна и кежуал варијанта, а линијата може да ја пречекорите во зависност од тоа како ќе ја комбинирате со остатокот од облеката.
Класична ролка
Ролката без разлика дали е припиена за телото или поширока е фантастична за есенските и зимските денови. Таа може да биде во различни бои и секоја жена треба да ја има во плакарот.