Уште една успешна година за ангелите на Викторија Сикрет беше заокружена со синоќешното спектакуларно шоу што се одржа во градот на светлината, Париз.
Едни од најубавите жени на светот зачекорија на модната писта со препознатливите ангелски крилја и во креациите од новата колекција на познатиот бренд за долна облека.
Оваа 2016-та несомнено е година на сестрите Хадид. Тие отсекогаш мечтаеле заедно да бидат дел од оваа ревија, сон што сега им стана реалност.
Џиџи и Бела, се најактуелните супермодели во моментот, па сосема разбирливо што го привлекоа сето внимание кон себе.
На овогодишната ревија ја видовме и Кендал Џенер, која во 2015-та за прв пат стана дел од дружината на ангелите. На пистата прошетаа и добро препознатливите Адриана Лима и Ирина Шајк, а за музичкиот дел од шоуто се погрижија Лејди Гага, Бруно Марс и The Weekend.
Честа да го носи милионскиот Fantasy градник, овој пат и припадна на Џасмин Тукс. Таа носеше парче вредно 2, 4 милиони долари кое тежи повеќе од 480 карати.