Сите ги сакаме оние впечатливи мигови од Оскарите кога имаме можност да им се восхитуваме на прекрасните фустани кои што познатите ги носат на црвениот тепих.
Сепак, изгледа дека оваа година она што привлече внимание не беше стилот, туку скандалот.
Актерката Бланка Бланко дојде на Оскарите без долна облека и за да биде уште пошокантно ги почести присутните со глетка од нејзиното голо меѓуножје.
Златно -жолтиот фустан изгледа не и беше доволно нападен и затоа реши да оди еден чекор понапред.
Скарлет Јохансон, повторно ги подгреа гласините за развод, откако се појави сама на црвениот тепих. Но, таа беше тема на разговор и поради несреќниот избор на креација од колекцијата на Azzedine Alaia. Розовиот фустан со сребрен ремен едноставно не помина кај модните критичари.
Скромната Ема Стоун, која го собра Оскарот за најдобра женска улога, воедно може да се пофали и одличен избор на фустан.
Стоун блесна во посебно изработено модно парче од Givenchy Haute Couture. Златната боја и се допадна и на Џесика Биел која за оваа пригода носеше фустан од Kaufman Franco.
Како и секогаш некои поентираа, додека други потфрлија. Хали Бери изненади со својата фризура, додека Дакота Џонсон нe збуни со изборот на креација во која изгледа непрепознатливо.