UV зрачењето може да биде многу опасно за човечките очи и да ги оштети, односно може да предизвикаат трајни оштетувања на мрежницата на очите. Поради ова, потребно е да се заштитат очите со квалитетни очила за сонце.
При купување, секогаш треба да избирате очила со UV заштита и по можност, очила кои го спречуваат одблесокот од сонцето. Кога зраците од сончевата светлина допираат до мазна, хоризонтална површина како што е водата, снегот, влажниот автопат, тие се рефлектираат и предизвикуваат блесок, па поради тоа гледаме послабо.
Обичните леќи не може да го спречат блесокот
Очилата мора да имаат специјален филтер кој ги одделува корисните зраци од хоризонталните, кои го предизвикуваат токму блесокот. Најпознати се поларизираните леќи кои ја неутрализираат 99% од светлината, која се одбива од рефлектирачките површини.
Кои квалитети треба да ги поседуваат совршените очила за сонце?
- мора брзо да реагираат на промените на светлината
- во затворен простор треба да ве штитат од останатите светлечки елементи во просторијата
- потребно е да пружат заштита од UVA и UVB зраци
Мора самите да се распрашувате за овие квалитети, бидејќи во последно време, изработувачите на очила не обрнуваат толку многу внимание на квалитетот колку на естетскиот дел и на тоа дали тие изгледаат модерно или не. Кога веќе ги плаќате повеќе, потрудете се да изберете навистина квалитетни очила за сонце.