Изборот на животен партнер е една од најтешките одлуки во животот на еден поединец.
Иако се смета дека жените се покомплицирани, во дадени прилики и на мажите не може да им се најде крајот.
Теоретски, да се биде партнер со некој кој има успешна кариера изгледа привлечно, но колку е ова така и во праксата?
Една од причините која се јавува и како одговор на ова прашање е тоа што алфа мажјаците избегнуваат партнерки кои сметаат дека им се интелектуална конкуренција, а воедно претставуваат опасност по нивното его.
Психолозите од Универзитетите во Бафало, Калифорнија и Тексас преку серија експерименти откриле дека интелигентните жени прават мажите да се чувствуваат беспомошно и помалку мажествено.
Тие бегаат од паметни и независни жени на кои не им пречи сами да си го потргнат столчето и седнат на него. Жени кои се способни сами да се одбранат во непријатни ситуации, конците да ги земат во свои раце и моќно да пристапат кон целите кои ги сакаат без притоа да цимолат за поддршка.
Овие дами можат самостојно да чекорат по патеката на успесите без притоа да им биде пополнувана секоја дупка на патот по кој чекорат.
Тоа прави мажите да се чувствуваат бескорисно и очајно. Изгледа дека тие се посреќни кога ќе увидат дека „послабиот“ пол има потреба од нив и не може да опстои без другата страна или едноставно тие да бидат херојот на нивниот живот.
Освен тоа полесно може да се дојде до лесна жена со еден обид отколку да се прават повеќе обиди како би импресионирале независна и интелигентна жена. Интелигентната жена знае дека подобро е да остане сама отколку да биде со маж од кој таа е поголем маж.