Во борбата по парите сите знаеме да направиме по некоја грешка, па ретко кој самоуверено настапува кога станува збор за неговата кариера.
Некои истражувања потврдуваат дека 50% од луѓето ја прифаќаат првата понуда која ќе им се понуди, не интересирајќи се за новите можност кои се пред нив.
Оваа бројка е поголема кај луѓето кои се на возраст под 35 години и кои не се искусни во преговарањето.
Животот е тука да нè научи кој е правилниот избор за нас и во кој момент треба да го зграбиме.
1. Луѓето не сакаат да чекаат
Во една студија на мали дечиња им било понудено благо колаче и им било речено дека можат да го имаат сега или да почекаат 15-тина минути. Сите од нив се побуниле и си го сакале своето колаче веднаш.
Резултатите од студијата сугерираат на тоа дека уште од мали нозе повеќе сакаме да ги земеме нештата од прва, отколку малку да почекаме. Нашата вродена импулсивност неретко може да нè неведе да направиме грешка во моменталното донесување на одлуки.
2. Погрешна мотивација
Честопати луѓето знаат да претеруваат во своите очекувања. Поставуваат нереални цели за краток временски период и делуваат во погрешен тајминг.
Пред да се започне некоја работа потребно е да се знае главниот мотив и да се постават следните прашања: „Дали со оваа работа ќе постигнам нешто?“ или „Дали верувам во себе?“ Иако овие прашања се многу едноставни често многу луѓе не знаат да одговорат на нив.
3. Ништо не е залудно
Најпрво морате да знаете што сакате и зашто го правите тоа. Никогаш не жалете за месеците или годините додека инвестирате во себе.
На тој начин станувате посигурна деловна личност која знае да каже не и да ја одбере правилната понуда.