Овен – годишен хороскоп за 2018

Во текот на 2018-та ќе имате можност да ги завршите започнатите работи и да донесете важни одлуки кои се од клучно значење за вашите идни случувања. Од вас се очекува да направите големи промени во текот на годината која следи и неколку пожртвувања за постигнување на личните цели. Но, без никаква грижа оваа година ќе започне со успех, награди и задоволство.

Љубов

Овните ќе имаат јасна и чиста слика за нивниот љубовен живот. Планетите ќе бидат наклонети на тој начин што овните ќе бидат повеќе разбирани од страна на своите партнери. Ќе дознаете јасно што сакате и ќе бидете одлучни за разлика од претходната година, па можно е да ставите крај на една долга несреќна врска и да продолжите по својот пат со личност која цело време била покрај вас, но не сте имале храброст до сега да и ги искажете вашите скриени чувства кои ги имате кон неа. Бидете внимателни и не ветувајте работи кои не можете да ги исполните. На многумина од вас емоционалната болка која ви била причинета во текот на 2017-та, конечно ќе исчезне.

Работа и пари

Кариерата ќе ви претставува поголемо задоволство во однос на претходнава 2017-та година, тоа особено ќе го почувствуваат мажите во знак на овен. Ви претстојат нови можности за раст во хиерархијата на работното место, па топло ви препорачуваме мудро и паметно да играте за да ја добиете заслужената позиција. Јупитер планетата на креативноста ќе ви помогне да ја истакнете вашата креативна страна која ќе допринесе за унапредување на работното место. Очекувајте покачување на платата и зголемување на продажбите. Посебно се препорачува овните да бидат претпазливи со прекумерното трошење и постојано да прават преглед и план на своите финансиски средства.

Здравје

Генерално, здравствената состојба на овните ќе биде одлична во текот на цела 2018-та. Склони сте кон настинки, но движењето на Јупитер ве штити од поголеми здравствени компликации.

Користете техники како јога и медитација за намалување на стресот. Се препорачува голема самоконтрола и наградување на вашиот внатрешен дух.