Кардиганите се парчиња од облеката кои дефинитивно се вклопуваат со целокупната ваша гардероба. Тие се прилично лесни за комбинирање, а совршено се вклопуваат со џинс, но и со поелегантни стилови давајќи му свој печат на вашиот целосен изглед.
Тие освен што добро изгледаат му даваат и дополнителна топлина на вашето тело, а ова се дел од нив кои ги заслужено ги освоија позитивните критики на многумина:
Рачно изработен кардиган
Плетените работи се повторно во мода. Овој тип на кардигани се лесни, а и немаат висока сума за изработка. Предностите се во тоа што вие можете да изберете во која боја тој сакате да ви биде изработен, но и од кој материјал. Тој е создаден за актуелните временски прилики, а може да го носите во неформални, но и на свечени настани.
Кардиган со изразени длабоки џебови
Овој кардиган е полн погодок. Длабоките џебови му даваат дополнителен сјај и го прават вашиот избор непогрешлив. Сепак, доколку на него се додадат одредени геометриски принтови како линии и слично ќе направат вашиот изглед да биде навистина уникатен.
Кардиган со етно мотиви
Доколку етно мотивите се вашите омилени, имаме одлична вест за вас. Токму тие се едни од најбараните модели на кардигани. Мекоста и нежноста кои ги поседуваат ќе направат освен убаво, да се чувствувате и удобно во нив. А, удобноста е еден од најважните елементи кои треба да ги имате при креирање на еден аутфит.