Дали сте задоволни од односот кој го имате со вашиот партнер? Ова прашање сигурно безброј пати ви поминало низ главата.
Познат интернет сајт, неодамна спроведе истражување во кој учество земаа преку 1000 испитаници од двата пола, кои открија како одредени важни животни случувања влијаат врз нивната врска.
Добиените податоци покажале дека еден од четворица луѓе првиот бакнеж го има уште на првата средба, но и дека еден од десет испитаници чекал 3 недели да се случи истиот.
Кога испитаниците биле прашани колкав временски период чекаат за да го имаат првиот секс со партнерот повеќето одговориле дека се потребни најмалку три месеци за таков чин. Девет проценти од нив признале дека на таков чекор се подготвени по само неколку недели забавување.
Кога работите стануваат малку посериозни една третина од испитаниците настојуваат подобро да ги запознаат партнерите со кои што се, а за останатите работи се водат според личните чувства. Кога врската и јавно ќе биде покажана повеќето од нив прикачуваат свои фотографии на социјалните мрежи.
Кај жените за да се кажат зборовите „Те сакам“ се потребни до три месеци, додека на личностите од машкиот пол им е потребно малку пократко време.