Водењето на здрав живот не е само држење диети и разни трендови во вежбањето, туку се работи за посветеност на тој стил на живот. Редовното пешачење има многу повеќе здравствени придобивки отколку само слабеење, бидејќи кога кон телото се однесувате добро, шансите да елиминирате некои негативни рутини се зголемуваат. Еве кои 4 лоши навики можете да ги искорените со пешачење:
1) Зависност од смартфон
Нови истражувања покажуваат дека луѓето се сè позависни од нивните телефони, што може сериозно да му наштети на мозокот. Доколку сакате да го намалите времето кое го поминувате гледајќи во екранот на вашиот смартфон, пешачењето е одлично решение за тоа.
Следниот пат кога ќе имате 15 минути вишок, наместо да скролувате низ Facebook или Instagram, истите искористете ги да отидете на прошетка.
2) Пушење
Секој пат кога ќе посегнете по цигара, излезете на прошетка. Со тоа постои шанса да развиете нова навика која ќе ја замени старата.
3) Прејадување
Доколку ги регулирате големините на порциите, може да се случи да огладните бргу после оброкот. Следниот пат кога така ќе се чувствувате, испијте чашка вода и прошетајте – оттргнувањето на мислите од храната и фокусирање на друга активност ќе придонесе да не сакате да јадете ништо кога ќе се вратите.
4) Самоизолација
Лесно е да ги поминувате деновите гледајќи филмови, серии, или „дремејќи“ на социјалните мрежи, но доколку се пролонгира тоа може да предизвика чувство на осаменост, анксиозност и депресија. Шетањето со пријатели, па дури и сами опкружени со група луѓе добро ќе влијае на вашето физичко, но и ментално здравје.