Црвениот тепих на Оскарите е местото каде што секој сака да изгледа посебно, па доделувањето на престижните филмски награди со текот на годините прерасна во своевидно модно шоу, каде во обид да се биде забележан, понекогаш се прават модни грешки.
За среќа 91-те Оскари овој пат поминаа без поголеми модни изненадувања, како во позитивна, така и во негативна смисла.
Лејди Гага во Alexander McQueen
Ѕвездата на „A Star Is Born“ блесна во црн фустан од колекцијата на Alexander McQueen. Сепак, она што ја издвои од сите кои вечерва зачекорија на црвениот тепих е импресивниот Тифани дијамант.
Познатиот скапоцен камен во вредност од 30 милиони долари последен пат беше носен од Одри Хепберн на дел од промотивните фотографии за филмот Breakfast at Tiffany’s.
Лејди Гага влезе во историјата како првата жена која го носела овој дијамант на црвениот тепих од неговото пронаоѓање во 1877 година.
Џенифер Лопез во Tom Ford
Латино дивата, Џенифер Лопез, го прекри телото од глава до пети, но тоа не ја спречи да изгледа супер секси во блескавата огледало креација од Том Форд. Пејачката беше придружувана од своето момче, Алекс Родригез кој за оваа прилика ја пратеше во црно- бела комбинација.
Глен Клоуз во Carolina Herrera
Давајќи изјава на црвениот тепих, актерката откри дека златиот фустан во кој што се појави на годинешното доделување на Оскарите тежи околу 20 килограми. Креацијата е дело на модната куќа Carolina Herrera.
Шарлиз Терон во Диор
Терон (43), која е вистинска кралица на трансформациите, овој пат избра небесно син фустан со гол грб од колекцијата на Dior. Изгледот го надополни со луксузен накит од Bulgari и нова боја на косата.
Во прилог погледнете како изгледаа дел од преостанатите ѕвезди кои годинава беа дел од 91-то доделување на Оскарите.