„Потрошеноста“’ на патиките за трчање зависи од многу фактори, како што се на каков терен е трчано, колку „тешка нога“ имате, како и дали сте ги носеле и за време на активности неповрзани со трчањето.
Квалитетните патики за трчање се дизајнирани да издржат околу 480-643km и се препорачува да се менуваат на секои 6 месеци доколку постојано трчате во нив или на секои 10 месеци ако пешачите во нив.
Уште еден начин да се провери дали треба да се променат е со нивно извртување – тие треба да се цврсти и да не се превиткуваат. Исто така, знак за промена е и состојбата на ѓонот.
Зошто треба да се менуваат патиките за трчање?
Не е важно доколку тие сè уште изгледаат како нови – ако подлогата им е потрошена, постои поголем ризик од повреда од трчање со нив, а може да се развие и болка во стапалата.
Старите патики за трчање исто така може да предизвикаат инфекција, но не поради тоа што се стари, туку поради негрижата за нив. Организмите кои можат да предизвикаат инфекции на стапалото растат на темни и влажни места, како што се старите патики во кои константно сте се потеле.
Кога ќе дојде време да ги промените патиките, треба да обрнете внимание на неколку важни нешта.
Тие мора да се комотни, бидејќи доколку се „кнап“ тоа може да резултира со вкоренување на ноктите и развивање на разни деформитети на стапалото. Се препорачува врвот на палецот од раката да може да собере помеѓу крајот на патиката и крајот на најдолгиот прст на ногата.
Различните брендови користат различни дизајни и материјали за своите патики, па така при бирање на нови најдобро е да испробате најмалку 3 различни модели.