Колку долго треба да трае еден тренинг?
Ова прашање нема конкретен одговор бидејќи не постои некој одреден минимум и може да се постигне одличен тренинг без разлика колку време имате на располагање. Секако, комбинацијата од времето поминато во вежбање и интензитетот на вежбите, е клучно за постигнување на различни резултати.
1) Краток тренинг со висок интензитет
Ваквите тренинзи (во кои спаѓаат и HIIT) кои најчесто се состојат од кардио вежби се исклучително популарни изминативе години, што е разбирливо поради нивната ефективност, а воедно и поради поголемата презафатеност на луѓето и немањето доволно слободно време.
Дури и традиционалните тренинзи за сила даваат резултати доколку се прават на ваков начин. Скорешна студија покажала дека мажите кои кревале тежини само 13 минути во една сесија, 3 пати во неделата, за 8 недели имале слични резултати во поглед на силата во споредба со оние кои поминувале 70 минути во теретана 3 пати во неделата. Тоа го постигнале така што повторувањата ги правеле до откажување, што значи до точката кога не може да се направи уште едно повторување со правилна форма.
2) Подолго вежбање дава подобри резултати
Пократките тренинзи не се толку ефективни за зголемување на мускулната маса, а студии покажале дека додавање на уште еден сет повторувања во вежбите секоја недела може да доведе до зголемување на мускулната маса за 0.37%. Тоа значи дека тоа ви е целта, тренинзите треба да траат подолго (во граници на нормалата, за да не дојде до повреди).
3) Дневната активност има голема важност
Неактивноста ги ограничува позитивните ефекти од вежбањето, па така се препорачува било каква активност во било кој период од денот, без разлика колку незначајно ви делува – како на пример качување по скали наместо одење со лифт, одење пеш до продавница и сл. Континуиран активен животен стил е поважно од вежбање еден час во денот.