Што значи да се живее во менструален циклус во свет полн со предизвици? Како различните фази од циклусот влијаат на секојдневниот живот и дали забележуваме напредок во полето на менструалната правда?
Ова се само дел од прашањата на кои ќе најдете одговор во новата епизода на dmPodcast-от „Женски ритам“.
Темата на петтата епизода од втората сезона на „Женски ритам“ е „Календарот што го диктира животот“, а гостинки во епизодата се македонската атлетичарка Милјана Ристиќ и д-р Весна Чибишева, специјалист гинеколог.
Како успешна тенисерка која одржува интензивен и активен спортски живот, Милјана Ристиќ во епизодата раскажува за тоа како менстуралниот циклус влијае на нејзините подготовки, предизвиците со кои мора да се соочи за време на тренинзите и натпреварите, но и сѐ но и за тоа дали е доволно развиена свесноста за менструалниот циклус во светот на женскиот спорт. Доктор Весна Чибишева, пак, истакнува некои важни знаци на кои треба да внимаваме за време на стресните периоди и нуди совети за справување и прифаќање на „оние денови од месецот“ како составен дел од животот на секоја жена.
„Менструацијата и не е така тешка за да ѝ дозволиме да ни го диктира животот. Многу примери секојдневно ме убедуваат дека жените се навистина посилниот пол. Жените качуваат планински врвови, предаваат во големите факултетски предавални, но истовремено знаат и да одгледуваат добиток. Жените настапуваат, играат и пеат на големи сцени, трчаат маратони – и сето тоа се случува додека ги чувствуваат менструалните болки“, вели Д-р Весна Чибишева, специјалист гинеколог.
Темата за менструалниот циклус и менструалната правда е исклучително важна за dm drogerie markt, која во текот на изминатата година постави преку 200 диспанзери за хигиенски влошки во факултетите ширум земјата и обезбеди бесплатни влошки за сите студентки на овие факултети. На овој начин, компанијата и директно делуваше кон намалување на менструалната сиромаштија и обезбедувањето на подобра нега за жените во образовните установи.
Подгответе се за одлична епизода полна со информации релевантни и важни за сите жени од сите возрасти. Кликнете го YouTube линкот и погледнете ја претпоследната епизода од втората сезона на „Женски ритам“.