Од сите третмани за убавина за кои што досега сме пишувале ова можеби е еден од најчудните бидејќи се однесува на вагината. Станува збор за антички азиски третман со пареа, кој во последните неколку години стана актуелен и во спа центрите низ светот.
Третманот ја детоксифицира вагината со пареа и се верува дека ги олеснува менструалните болки како и дека помага во одржувањето на рамнотежата на хормоните. Освен тоа оваа пареа е корисна и за жените кои се неплодни или пак се во менопауза.
Како функционира? Откако ќе отидете на третман се облекувате во соодветна облека и седнувате на стол под кој има сад со топла вода. Но, тоа не е обична вода туку специјално подготвена мешавина од тревки која испарува.
Изложувањето на вагината на оваа пареа трае околу 30-тина минути. За време на третманот се препорачува да се пие многу вода бидејќи телото се поти. Ова задоволство чини околу 75 долари.