Кожата со изгледа на портокал е проблем на речиси секоја втора жена без разлика на нејзината тежина. Се прашувате како да се справите со проблемот? Обидете се со следниот едноставен и практичен рецепт кој е најдобро да го нанесувате на кожата два пати во неделата.
Ќе ви бидат потребни:
4 лажици мелено кафе
маслиново масло
2 лажици сол
нане
ракавица за триење на кожата
Во сад ставете ја солта и во неа додадете малку маслиново масло. Почекајте солта малку да се растопи, а потоа додадете го кафето и промешајте. На крајот ситно исечкајте го нането и ставете го во течноста. Вака направениот рецепт оставете го половина час до еден час на сончева светлина. Откако ќе отстои можете да започнете со употребата.
Проблематичните делови на кожата треба да бидат влажни пред да ја нанесете течноста, па затоа се препорачува претходно да се истуширате. Со помош на ракавицата правете кружни движења и масирајте се од 5 до 10 минути. Кафето функционира како ексфолијат на кожата, солта помага во ослободување од мртвата кожа и ја апсорбира влажноста, додека нането ги смирува мускулите.