Постои голема разлика помеѓу зрел маж кој знае што сака и недораснато дете кое што постојано се обидува да ви докаже дека тој знае што е најдобро за вашата врска. Како да ги разликувате? Доволно е да ги познавате карактеристиките на едниот тип за да знаете како изгледаат и двата.
Зрелиот маж, за разлика од големите деца, ги има надминато баналните ситуации и не е склон кон правење драми, туку резонира логично и балансирано.
Знаете на што сте и немате проблеми да дефинирате дали сте негова девојка, љубовница или жена за една вечер.
Не мора да го терате да работи на себе затоа што е самомотивиран и знае што сака во животот. Ако има некој проблем, самиот се труди да го реши.
Комуникацијата со него е нормална и едноставна. Не се трудите да се докажувате и да покажете кој е попаметен или сака да биде по негово.
Не се однесува како да треба некој да собира и да чисти по него. Уреден е и го цени вашето време.
Нема навика да исчезне со недели без да се јави, па потоа од никаде да се појави. Доволно е силен да се соочи со нештата, отколку да избега.
Караниците се конструктивни и се бара соодветно решение. Зрелиот маж не сака да манипулира ниту пак да ги извртува ситуациите само за да биде во право.
Нема комплекс кога неговата сакана е подобра и финансиски посилна од него, туку ја подржува да биде уште поамбициозна.
Никогаш не мора да погодувате зошто е нервозен или пак зошто е лут. Отворено зборува за нештата и бара решение.
За него љубомората е сосема непотребна во врската бидејќи знае иако сите мажи ја гледаат неговата девојка, тој е оној кој што ја има. Сигурен е во својата привлечност.