Април е месецот кога Викторија Бекам полни 40 години, а претходната година таа навистина постигна огромен успех на модната сцена! Едни од најпознатите личности во шоу-бизнисот редовно ги посетуваат нејзините модни ревии, но и поседуваат повеќе парчиња од нејзините линии.
Супермоделот Наоми Кембел за You магазинот кажа дека е огромен фан на работата на поранешната девојка од Spice Girls.
- Ги сакам фустаните на Викторија. Поседувам неколку од нив, како и фармерки. И се восхитувам на работата и на нејзиното мајчинство. Таа ми е добра пријателка, изјави Наоми.
Во октомври во 2004 година, Викторија ја започна својата линија со фармерки за Rock&Republic во Јапонија, наречена VB Rock, пред да ја започне сопствената Деним колекција, dVb Style во 2006 година. Во септември 2008 година, ги доби првите пофалби за својата модна колекција пролет/лето 2009 на модната недела во Њујорк. Две години подоцна, доби награда за најуспешен дијзанер на годината за време на Британските модни награди и тогаш објави дека наскоро планира да отвори своја продавница во Лондон.