Флертот добива нова димензија со модерниот Intimacy 2.0 фустан кој станува проѕирен кога жената која го носи е сексуално возбудена. Ова дефинитивно не е нешто што би сакале да го носите на јавно место, освен ако не сте ексцентричен тип кој сака да шокира.
Првата верзија на фустанот е целосно направена од е-фолии, па така целиот фустан станува проѕирен кога постои возбуда. Новиот Intimacy 2.0 е транспарентен само во пределот на градите.
Daan Roosegaarde, кој е дизајнер на фустанот, вели дека станува збор за моден проект кој ја истражува поврзаноста помеѓу интимноста и технологијата.
Како функционира?
Intimacy 2.0 е направен од комбинација на бел материјал или вештачка црна кожа како и од тактички поставени мали кожни ленти на кои се прицврстени е-фолии. Сензорите кои се поставени по целиот фустан ја детектираат секоја промена во температурата на телото и работата на срцето. Ако жената која што го носи фустанот е возбудена, сензорите ја забележуваат промената и фустанот станува проѕирен.