Групното силување не е нешто што се заборава, но канадската новинарка Аманда Линдхоут успеа да ја надмине својата трагедија, па дури и да им прости на своите напаѓачи кои ја држеа 15 месеци заробена во Сомалија.
-Беше тешко да се преживее секој ден, посебно поради тоа што не знаев дали некогаш ќе заврши. Ме злоупотребуваа постојано, открива таа, но и покрај тоа објаснува дека има разбирање за оние кои ја силувале бидејќи и самите не се свесни што прават.
Во најтешките мигови си создавала концепт на „куќа на небото“ како што впрочем се нарекува и нејзината книга, каде бегала со мислите и се враќала на сите убави нешта поради кои вреди да се живее.
-Абдулах ме силуваше, ме болеше и се обидував да се одбранам кога доживеав вонтелесно искуство. Се видов самата себе си од горе. Сосема сум сигурна дека моите напаѓачи се производ на војната и таа ги обликувала. Тоа верување ми помогна. Тие се човечки суштества со свои потресни приказни. Тоа не значи дека се невини, но факт е дека се продукт на култура која продуцира насилство, објаснува Линдхоут.
Откако била ослободена основала фондација која ги финансира високо образованите жени во Сомалија, по што на FB добила порака од еден од силувачите кој и ја пофалил работата.
-Најдоброто чувство на задоволена правда е фактот што се свесни со што моментално се занимавам и можат да видат дека не успеале да ме скршат.