И покрај тоа што вежбате постојано и се трудите да ја одржувате вашата форма, фармерките се уште не ви стојат онака идеално како што сакате, а шорцеви не се ни осмелувате да облечете.
Вистина е дека многу вежби не вклучуваат одредени движења кои се пресудни за деловите од телото на кои најлесно се задржуваат масните наслаги. Затоа, за замо седум дена и најмногу 20 минути од оваа кардио програма осмислена специјално за намалување на бутините, ќе го постигнете она за кое долго време сонувате.
Возење велосипед во воздух
Легнете на грб, подигнете ги нозете во воздух и почнете да „возите велосипед“. Ова е одлична вежба за мускулите на бутините и задникот, која можете да ја правите додека ја гледате омилената серија на телевизија, а резултатите ќе ги забележите многу брзо.
Седнувања
Свиткајте ги колената во полу-седната положба и со рацете ставени на колкови благо спуштајте се кон подот како да седнувате, сè додека не почувствувате силно затегнување на мускулите на бутините. Исправете се и повторете ја оваа вежба најмалку осум пати. Кога ќе стекнете кондиција, ќе можете да ја изведувате и во поголеми серии.
Подигнување на задникот
Легнете на грб, свиткајте ги нозете во колениците, а рацете испружете ги покрај телото и гледајте право во таванот. Ставете топче или свиткана крпа помеѓу колениците, со цел внатрешната страна на бутините активно да учествува, и подигнете го задникот. Повторете ја оваа вежба повеќе од 15 пати во една серија. Не заборавајте правилно да дишете.