Сиера Сендисон има дијабетес тип 1, но тоа не ја спречи во желбата да стане Мис Ајдахо и да добие многу позитивни критики за своето појавување на пистата со пумпа на колкот.
-Болеста потполно ми го смени животот. Прво сакав да го игнорирам тој факт, да се правам дека дијабетесот не постои. Но, ми стануваше сè полошо, шеќерот ми се качуваше, се чувствував нерасположено и ми беше многу лошо. Тогаш решив да се пријавам на изборот за убавина, вели Сендисон.
Нејзината фотографија собра повеќе од 5000 илјади лајкови кои се само еден доказ дека многумина ја подржуваат нејзината идеја.
-Не ни сонував дека мојата фотографија во костим за капење со пумпица за дијабетес ќе стане толку популарна. Но, сакав да на сите да им пратам порака, без разлика дали имаат дијабетес или не, дека е во ред кога не се вклопуваат во стандардните на убавина кои ги наметнуваат медиумите. Тоа е сосема во ред и тоа не ве прави помалку убави, објаснува Сиера.
Таа ги мотивираше сите оние кои имаат сличен проблем да се соочат со него и да не се срамат поради тоа што мора да користат пумпа.
-Добив негативни коментари кои беа болни, но и позитивни кои ме воодушевија. Не очекувам луѓето да сфатат колку болно ми беше. Не знаев како ќе реагираат. Мислев дека нема ни да забележат, но прекрасно е кога гледам колку позитивен исход имаше сето ова.