Љубовта нема граници, но што ако се вљубите во човек кој веќе има основано семејство со друга жена?
За разлика од многуте брачни афери кои завршуваат неуспешно, приказната на Ребека Гордон и Винс Тејлор има среќен крај. Се запознале во 2010-та за време на излевање на нафта во мексиканскиот залив. На почетокот биле само пријатели, а потоа сфатиле дека едноставно се создадени еден за друг. Сепак, Тејлор веќе бил во брак со друга жена со која имал деца.
-И кажав најискрено дека сум луд по неа, а тоа беше навистина тешко за помирување со оглед на тоа дека бев женет. Таа започна да плаче. Сакав да ја утешам, но постоеше таа невидлива граница која не смеев да ја преминам, раскажува Тејлор.
Откако сфатиле дека не можат да го негираат она што постои меѓу нив, Винс решил да побара развод од својата тогашна сопруга и да започне заеднички живот со Ребека.
-Бракоразводниот процес беше навистина тежок. Имаше денови кога мислев дека нема да можам да станам од креветот ако не беше Ребека, објаснува тој.
-Луѓето имаат багаж, имаат претходни врски, имаат деца, имаат многу нешта кои ги прават комплицирани. Но, во исто време тие нешта ги прават луѓето реални. Мислам дека она што ги прави нашата љубов и врска реални е фактот што не се совршена приказна за љубовта, вели Ребека.