Во време кога интересот најчесто е главната причина за одржување на пријателствата, но и на љубовните врски, сè помалку луѓе стапуваат во брак од љубов и поради тоа што сакаат да го поминат животот со саканата личност.
Истражувањата покажуваат дека ваквите врски со текот на времето, порано или подоцна се осудени на пропаст и се одлична подлога за започнување на вонбрачна афера.
Ги запрашавме нашите читатели поради која причина стапиле во брачна заедница и добивме интересни резултати. Повеќе од половина или 53 проценти од оние кои учествуваа во анкетата велат дека се во брак бидејќи го сакаат својот партнер и со него се надополнуваат.
Кога станува збор за парите како мотив за брак, само 8 проценти од 560-те испитаници ги наведуваат финансиите како причина поради која се мажени/женети.
Но, што се случува со останатите 39 проценти?
Самотијата и притисокот кој што го прават годините си го прават своето, па 18 проценти истакнале дека стапиле во брак бидејќи веќе им било времето, а 10 отсто се решиле на брак од страв дека ќе останат сами и нема да имаат друга опција. Непредвидената бременост е причина за брак во 11 проценти од случаите.