Големи или мали? Цврсти или малку потспуштени? Кои гради се најубави?
Британските научници ја посочија идеалната форма на гради водејќи се од студијата објавена во Plastic and Reconstructive Surgery.
На примерок од 1315 луѓе (мажи, жени и пластични хирурзи) им се покажани фотографии од различни типови на гради од кои требале да ги изберат оние кои најмногу им се допаѓаат.
Резултатите покажуваат дека испитаниците најчесто се загледуваат во облик сличен на оној на Милоска Венера кој е сосема нормален и спротивен на современото верување дека најпопуларни се големите и подигнати гради.
Сепак и покрај тоа бројот на пластични операции на градите покажува дека жените кои бараат инпланти вообичаено се определуваат за форма која изгледа неприродно и пренагласено. Ова се должи на лажниот идеал за убавина кој го презентираат магазините и целокупната модерна култура.
Следниот пат кога ќе се обидете да го зголемите своето деколте со push up градник или пак ќе помислите да преземете уште подрастичен чекор сетете се дека мажите сакаат нешто пореално од топки силикон.
