Зголемените усни на Кајли Џенер неодамна предизвикаа вистинска мешаница на социјалните мрежи. Додека едни беа цврсто убедени дека направила естетска корекција, Џенер тврдеше дека зголемувањето е резултат на специфично шминкање на усните.
Иако со шминката навистина може да се изведат чуда, она што го прикажа Џенер е далеку од визуелен ефект постигнат со моливче за усни и соодветен кармин. Сепак, доколку сакате малку пополн изглед од вообичаено шминката може да ви помогне да го изедете тоа.
Најпрвин ќе ви биде потребно моливче за усни кое ќе биде идентично на бојата на вашите усни или пак за мала нијанса потемно.
Со помош на коректор поминете ја средината на усните со цел да создадете основа која ќе го спречи карминот да се разлее по сите страни, а воедно и да добиете на волумен. Потоа внимателно исцртајте ја горната усна до оној дел што е малку подигнат и се наоѓа над линијата до каде завршува усната.
Истото направете го и со долната усна. Потоа пополнете исцртајте ги целите усни со моливчети и внимателно нанесете кармин со мат сјај. Можеби нема да ги имате усните на Кајли, но веднаш ќе забележите разлика во волуменот.