Модниот фотограф Викторија Јанашвили со години ги фотографирала најпознатите модели на денешницата, но сега таа се преориентирала кон друга цел – да ја прикаже реалната слика на жената: просечна, вистинска и едноставно прекрасна. Таа издава книга со фотографии кои го величаат женското тело во секој облик – ниско, високо, слабо, со облини.
Дениз Бидо и Марина Булаткина се оние кои се соблекоа за да ја докажат големата поента на фотографката.
- Иако просечната Американска жена носи конфекциски број 14, нашето општество продолжува да поставува стереотипи како стандарди кои се однесуваат на тоа како изгледа женското тело. Заради ова поминав толку години правејќи фотографии од различни типови на модели кои ја зголемуваат свесноста за реалното тело на жената. Кампањите се ширеа вирално и поттикнаа многу дискусии. Преку мојата книга, сакам да продолжам да ја ширам мисијата и да ги соборам социјалните стереотипи, за конечно жените да можат да се чувствуваат добро и самоуверено во својата кожа.
Бидо и Булаткина се познати адвокати на пропагандата „љубов кон себе“, а со цел да ја срушат лажната слика за „идеалната жена“, се расоблекоа до гола кожа и застанаа пред фото-објективот. Резултатот, во најмала рака, е фантастичен.