Личностите кои на своите FB профили ставаат заедничка профилна фотографија со партнерот или партнерката честопати одаваат знак дека се несигурни во својата врска.
Една неодамнешна студија на канадските научници покажа дека луѓето кои се загрижени за наклонетоста на партнерот вообичаено се трудат да ја направат својата врска што повидлива на социјалните мрежи.
Научниците ги мереле дневните промени во однесувањето на луѓето, а потоа евидентирале колку постови имаат на својот FB кои се поврзани со нивната врска.
Откриле дека во оние денови кога луѓето се чувствуваат понесигурно од вообичаено, објавуваат повеќе постови поврзани со нивната врска. Интересно е да се забележи дека луѓето кои вообичаено се помалку емотивни постираат далеку помалку постови кога имаат некаков проблем или се загрижени околу посветеноста на партнерот.
Истражувањата и студиите поврзани со FB откриваат и дека:
- Срамежливите луѓе почесто го користат Facebook
- Осамените жени откриваат повеќе интимни детали
- Екстравертните имаат повеќе пријатели
- Луѓето кои се зависни од FB се зависни и од други нешта
- Гледањето на сопствениот профил ја зголемува самодовербата