Жените се во постојана борба нивната коса да изгледа поубаво и поздраво. Доколку и вие сте една од нив, следете ги овие совети кои ги порачуваат фризерите и стилистите.
Немојте да ја сушите косата со крпа
- Прескокнете го сушењето на косата со крпа, бидејќи тогаш косата ја губи влагата и предизвикува заплеткување и виткање. Наместо тоа, исцедете ја косата во када и оставете ја да се исуши, вели фризерката на познатите личности, Трејси Мадре.
Користете округла четка
- Користењето на округли четки е одличен и едноставен начин да и’ дадете сјај на вашата коса. Кога ќе завршите со вашата рутина на сушење на косата, расчешлајте ја уште неколку пати со округла четка. Косата ќе добие дополнителен сјај, вели Даг Дејвид, креативниот директор на Даглас Керол Салон.
Витканата коса бара поголема нега
Правата коса подобро ја рефлектира светлината, бидејќи површината и’ е мазна. Витканата коса, пак, има тенденција да впива повеќе светлина отколку што може да ја одржи, така што потребно е поголемо одржување за да се постигне поголем сјај, вели Џон Френсис, стилист на познатите личности од Лос Анџелес, кој препорачува да почекате косата најпрво да се исуши, а потоа да нанесете малку спреј за сјај на косата.
Сушење
За извонреден сјај сушете ја косата со фен, па потоа нанесете серум со вашите дланки. Немојте да го нанесувате серумот директно на косата, туку ставете ја потребната количина на дланките, протријте ги, а потоа нанесете го на косата. Така ќе избегнете прекумерно нанесување и масен изглед на косата.