Креациите на либанскиот дизајнер Ели Сааб се дефинитивно најобожуваните од страна на жените ширум целиот свет. Среќничките кои гордо шетаат по црвениот тепих, имаат прилика да блескаат во нив, а нам ни останува само да си ги насладуваме очите преку фотографии.
На тековната Париска модна недела овој дизајнер потворно потврди зошто важи за најдобар познавач на женската елеганција и грациозност. Неговата колекција на фустани ја остави публиката без здив, а критичарите не можеа да изустат ниту еден негативен коментар.
Врвните материјали, беспрекорниот дизајн и елеганцијата, кои Ели Сааб вешто ги претвора во совшенство, ја одбележаа синоќешната бајковита ревија.
Кога на претставувањето на претходната колекција помисливме дека тоа е врвот, Сааб овој пат ни понуди уште по фасцинантни модели. Погледнете како тој успева постојано да се надминува себе си.
