Креативниот салон X-presion Creativos, од Шпанија кој се фокусира на иновации во фризерските техники, започна да практикува нова техника на бојадисување која за кратко се прошири низ Њујорк и Лондон.
Новиот стил е таканаречен Пиксел стил и може да се изведе во нијанси слични на вашата коса, но и во далеку похрабри бои како сина, розова и црвена.
-Новиот тренд во бојадисување на косата станува се поактуелен во последните неколку месеци. Бојата е нешто со што се почесто може да експериментирате и да создавате нешто поинакво. Овој тренд на бојадисување е своевидна еволуција од омбре и пастелните тонови кои што постојат, вели Ребека Консел, уметнички директор на Hare&Bone, салон кој започна да го практикува трендот.
Пиксел стилот најдобро функционира на кратка, права и убаво потстрижена коса на која може да дојдат до израз прелевањето на боите.
