Уште една година и уште еден саем наменет за сите оние кои наскоро ќе стапат во брак, но овој пат со далеку погламурозно отворање во споредба со изминатите.
Пет е број на успехот, па можеби затоа петтиот по ред саем на венчавки организиран од магазинот „Во бело“ е најдоброто издание досега, кое започна со впечатлива модна ревија на која познатите беа во улога на невести и младоженци.
Свила, тул, кристали, импресивни бидермаери....Секоја од презентираните венчаници беше уникатна на свој начин, овозможувајќи им на дамите да се пронајдат себе си во прекрасните креации од докажаните студија за венчаници и реномирани дизајнери.
-Дојдов на саемот за да добијам идеја за венчаница. Две креации ми оставија навистина голем впечаток, ни откри една од присутните посетителки која заедно со своите пријателки дошла на отворањето.
Таа како и многу други, љубопитно ги разгледуваа поставените штандови на повеќе од 40 излагачи од сите области на свадбената организација.
Саемот кој што се одржува во просториите на хотелот Александар Палас ќе биде отворен за сите посетители сабота и недела од 9 до 21ч, па доколку се подготвувате за својот голем ден ова е совршена можност да го посетите.