Вашата градба на тело во поголем дел е генетска работа, но многу жени се трудат преку диети и разни вежби да го променат својот генетски склоп при што задникот е првата „критична“ зона која е на удар. Сепак, пред да почнете да планирате како да се решите од „вишокот“ на задникот, можеби би требало да ги разгледате причините поради кои не би требало никако да го намалувате.
Ве прави привлечни
Мажите ги привлекуваат жени со големи задници, затоа што визуелно го зголемува закривувањето на половината, што е многу посакувана телесна карактеристика. Имено, мажите ги сметаат за поплодни оние жени кои може да се пофалат со побуен заден дел.
Поголем задник – подобра интуиција
Истражувањата покажале дека жените развиваат одлично чувство на интуиција за време на пубертетот, односно период кога им се развиваат облините. Поради тоа, многу теоретичари на еволуцијата сметаат дека постои врска меѓу емоционалната интелигенција и големината на задникот. На тоа може да се гледа вака: жените со голем задник и мала половина привлекуваат повеќе мажи поради што ги развиваат супериорните интуитивни вештини кои им помагаат да изберат потенцијален партнер.
Масното ткиво на задникот е безопасно
За разлика од наслагите на стомакот, кои може да предизвикаат воспаленија, висок притисок и бројни други заболувања, задникот е „богат“ со поткожно жолто масно ткиво кое во овој дел од телото не може да создаде никакви здравствени проблеми.
Го олеснува качувањето по скали
Иако можеби сте живееле во верување дека послабите девојки се поеластични, сепак жените со поголеми задници се во предност кога се работи за качување по скали. Тогаш е важна оркестрираната работа на сите мускули на долниот дел од телото, а најмногу големиот мускул на задникот кои е многу послаб кај жените со мала задница.
Го намалува чувството на глад
Во задницата се наталожени одредени количини масти кои служат како резервно „гориво“ за организмот во моментите во кои не можете да јадете, а гладни сте. Затоа на својата задница гледајте како на резерва за храна, кој ви помага да не станете премногу нервозни во моментите кога ќе огладнете.
Го штити долниот дел од грбот
Малите задници потешко ги мрдаат нозете за време на одење и поради тоа силата ја црпат од помалите мускули, што почесто доаѓа до болки во грбот, а кај некои и до грчеви во нозете. Жените кои може да се пофалат со бујна позадина, не знаат за овие проблеми.
Ја олеснува бременоста
За време на бременоста, жените неретко патат од болки во пределот на карлицата која се шири, што е последица на растењето на стомакот. Во таа ситуација поголемиот задник прави „баланс“ со предниот дел и на тој начин се намалува притисокот на тежината на стомакот на карлицата.