Сезоната на топло и влажно време е во тек, а заедно со неа оди и зуењето на здодевните комарци, нивните убоди, иритантниот сврбеж и црвените отоци.
Постои изненадувачки едноставен лек, односно трик со кој можете да се решите од сврбежот предизвикан од убод од комарец и тоа само за една минута.
Сè што треба да направите е да загреете метална лажичка под млаз од многу топла вода од славината (околу пола минута), а потоа да ја притиснете директно на убодот. Држете ја цврсто на кожата околу една минута.
Кога ќе ја тргнете лажичката, сврбежот ќе исчезне!
Како е тоа можно?
Кога ќе не „гризне“ комарец, додека тој ја цица нашата крв, под кожата инјектира одредени протеини чија цел е крвта да не се згусне. Токму тие протеини се она што го предизвикува сврбежот, а истите не можат да опстојат на умерено висока температура – која ќе ја постигнете со ставањето на загреаната лажичка.
Отокот од убодот веројатно ќе остане уште неколку дена, но непријатниот сврбеж ќе исчезне.