Истражувањата на научниците од австралискиот универзитет во Мелбурн, потврдиле дека физичката неактивност во значителна мера ги зголемува ризиците од физички, но и психички болести.
Во девет истражувања учествувале 13.470 испитаници. Повеќечасовното седење пред ТВ екраните, компјутерите и сличните физички пасивности предизвикуваат нарушување на сонот, бариери на друштвени активности, а при тоа создава и погодно тло за психички проблеми како што е појава на анксиозност, раздразливост и депресија.
Претходните истражувања покажале дека физичката пасивност предизвикува зголемување на ризикот за појава на хронични болести, како што се дијабетес, дебелина и различни кардиоваскуларни болести. Американските научници советуваат во период од три часа да се издвојат пет минути прошетка за да се предизвика нормална циркулација и функционирање на организмот.
Светската здравствена организација, препорачува дневна прошетка од 10.000 чекори. Редовните физички активности го намалуваат ризикот за појава на рак на дојка за 39%, рак на цревата за 26% и дијабетес за 34%. Според нивните податоци, недоволната физичка активност, по високиот крвен притисок, пушењето и дијабетесот, се четврта причина за смрт во светот.