Изминативе денови светот полуде по еден нов вид на „тетоважи“, наречени „Sunburn art“, кои станаа хит на социјалните мрежи. Дали знаете за што станува збор?
Тоа се намерни изгореници од сонце на дефинирани места на телото, кои луѓето ги сметаат за уметност.
Всушност, на социјалните мрежи до сега се измислија голем број бизарни трендови, но лекарите предупредуваат дека луѓето немаат претстава колку е опасен за здравјето.
Sunburn art тетоважите се прават со тоа што телото се покрива со чаршаф кој е „украсен“ со намерно дизајнирани дупки, па непокриените делови од кожата се изложуваат под сончевите зраци и се оставаат добро да изгорат. Со оглед на тоа што покриените делови остануваат бели, ефектот кој се постигнува е шарена кожа со интересен дизајн.
Но, оваа уметност воопшто не вреди со оглед на страшните последици кои ги носи. Во најлош случај, како последица може да се појави рак на кожата.
- Изгорениците од сонце оставаат траги на нашата кожа, предизвикуваат појава на пеги и брчки, но можат да предизвикаат и рак на кожата, тврди американскиот дерматолог Барни Кенети.
Тој предупредува дека трендот на „уметнички изгореници“ е уште поопасен од обичното сончање бидејќи луѓето подолго време се изложуваат на сончевите зраци, со цел да добијат дефинирани и видливи шари.