Често ни се случува кога ќе излеземе на плажа првите денови да изгориме и да не пече целата кожа. Тогаш веќе не ни сакаме да излегуваме на сонце и постојано сме во вода, каде што ни е попријатно. Сепак, правилниот избор на намирници може многу да ни помогне за кожата да се регенерира.
Штом се вратите од плажа напијте се аспирин
Ако кожата ви е црвена, чувствителна ви е на допир или ви се појавиле болни пликови тогаш напијте се аспирин или парацетамол, бидејќи овие аналгетици имаат анти-инфламаторно дејство, ја ублажуваат болката и го зајакнуваат одбранбениот систем на организмот.
За ручек – готвен домат
Овој зеленчук преовладува со витамини А, Ц и Е, антиоксиданси кои му помагаат на организмот да се заштити од сончевите зраци. Исто така, добро ќе ви дојде и брокулата и пиперката, црвеното овошје, кајсијата, дињата, праската и лубеницата. За да му обезбедите на телото доволно витамин Е, користете масло од билки и грицкајте лешници, бадеми и ореви.
Попладневна ужина од чај во неограничени количини
Флавоноидите во чајот (175мг по шолја) ни малку не заостануваат зад другите моќни антиоксиданси, како што се витаминот Ц и Е. Освен тоа, ако низ целиот ден пиете чај, на дехидрираниот организам ќе му обезбедите доволно течности. Минимум треба да консумирате од две до пет шолји чај дневно.
За вечера – скуша на жар
Сончевите зраци ги оштетуваат масните киселини во мембраната на клетките на кожата, па затоа губи еластичност и потешко се регенерира. Ако се внесе доволно количина, омега 3 масните киселини овозможуваат да се обнови потребното ниво на масти во мембраната. Најмалку два пати неделно јадете масна риба, како што се скуша, сардина, лосос, харинга, туна, а за да ги пригответе користете сојно или маслиново масло.