Секој трет ученик кој посетува основно училиште има искривен рбет, покажуваат резултатите од систематските прегледи. Колку и да мислиме дека ранецот не е воопшто крив, тој сепак може да доведе до деформитет, бидејќи децата во него ставаат и тоа што треба и тоа што не треба. Ова се однесува не само за најмладите, туку и за тинејџерите.
Поради тоа, многу е важно родителите да се грижат за тоа.
Научниците предупредуваат дека ранецот, треба да биде што е можно полесен, а кога е празен треба да тежи најмногу еден килограм. Кога е полн со книги, не би требало да надмине 10% од тежината на детето, на пример ако ученикот кој има 20кг, не смее да носи потежок ранец од 3кг.
Освен тоа, мора да се следат пропорциите на рамената, па торбата не треба да биде поголема од ширината на грбот, да биде под нивото на рамената и под нивото на половината. Кога детето ќе ја стави торбата на грб, погледнете дали може добро да ја движи главата лево и десно, но и без проблем да ги испружува рацете на страна и нагоре. Добро е ако ранецот има и прегради и џебови, бидејќи така подобро се распоредуваат работите, што е добро за правилно држење на грбот.