Што би рекле доколку во вашето секојдневие би можеле превентивно да влијаете на настанокот на многу болести?
Оваа вкусна и навистина чудесна мешавина можете да ја подготвите и сами, и тоа само од две состојки - сусам и мед, а со комбинација на нивната арома, мешавината ќе ве освои уште од првата лажичка.
Фитостеролите, состојки кои имаат хемиска структура слична на холестеролот, кога се во исхраната присутни во доволна мера, се верува дека можат да го намалат нивото на холестеролот, да го подобрат имунитетот и да го намалат ризикот од одредени видови на рак.
Најмногу фитостероли има во семките од сончоглед (270-289mg/100g) и во семките од тиква (265mg/100g), додека сусамот има највисоко вкупно ниво на фитостероли (400-413mg/100g) од сите семки.
За лековитите својства на медот, пак, се зборува со векови. Неговото антибактериско дејство е слично на пеницилинот, а докажано е дека бактериите не можат да преживеат во него.
Комбинацијата на овие две намирници исклучително е богата со аминокиселини, а најдобро би било да ги консумирате на празен желудник.
Оваа мешавина го подобрува имунитетот, го забрзува работењето на цревата и дигестивниот тракт, ја намалува желбата за благо, помага во лечење на стомачните тегоби, а особено се препорачува за лицата кои боледуваат од гастритис.
Се подготвува наједноставно. Помешајте една голема лажица мед со мала лажичка сусам. Можете да направите и поголема количина користејќи ги овие пропорции, а потоа да консумирате по една лажичка наутро на празен желудник.