Гумите за џвакање се омилена слатка занимација на секое дете. Но, наместо во устата, гумата за џвакање често завршувала во нашиот дигестивен систем, поради што нашите родители правеа вистиснки драми. Дали оваа непријатна ситуација навистина е толку опасна?
Можеме ли да ја свариме гумата за џвакање?
Гумата за џвакање нашето тело не може целосно да ја свари. Состојките како што се засладувачите и шеќерите, телото ги препознава и ги разградува, а остатокот останува необработен.
Иако тоа може да звучи опасно и загрижувачки, несварената мастика завршува таму каде завршуваат и останатите несварени состојки, како што се лушпите од овошјето или семките кои, нашето тело ги исфрла по пат на голема нужда.
Може ли се мастиката да се залепи за желудникот?
Најголема грижа на нашите родители била гумата за џвакање да не се залепи во хранопроводот или желудникот.
Но, за разлика од непријатните последици кои мастиката ги има врз облеката, косата или ѓонот на чевлите, веројатноста за тоа е многу, многу мала. Иако ќе и треба повеќе време да помине низ целиот дигестивен тракт, со време слатката џвакалка ќе заврши таму каде и треба - во ВЦ школката.
Кога голтањето на гумата за џвакање може да стане проблем?
Има многу ретки случаи кога голтањето на гумата за џвакање може да предизвика здравствени проблеми, а најчесто истите се поврзуваат со пореметување на дигестивниот систем предизвикани од дивертикулитис или Кронова болест.