Преку правилна исхрана до зачнување

Одредени намирници може да помогнат при зголемување на шансите за забременување. Што повеќе консумирате производи богати со омега 3 киселини, полномасно млеко, јаткасти плодови, тоа подобро.

Едно истражување направено на универзитетот Харвард, покажало дека неплодноста се намалува за 80%, ако жената има посебен режим на исхрана и ако промени некои нездрави животни навики. Кон ова истражување се приклучува и нутриционистот Зита Вест од Велика Британија, која вели дека паровите што сакаат да основаат семејство, треба да се придржуваат на четири основни правила за исхрана.

Имено, таа советува да јадете почесто скуша, харинга, сардина или лолос, кои се одличен извор на витамин D. Овие видови на риба би требало да ги консумирате два до три пати неделно. Исто така вметнете и авокадо, ореви, семки и ленено семе, кои содржат омега 3 масни киселини и влијаат врз подоброто попуштање на мембраните на клетките, вклучувајќи ги и јајце-клетките. Дневно пијте шолја до две полномасно млеко, кое позитивно влијае врз јајниците. Ако пак не сте љубители на млеко, како замена може да консумирате полномасен јогурт, бидејќи на телото му требаат и малку маснотии за да ги апсорбира хранливите состојки, важни за плодноста.

Едно дневно мени би требало да содржи:

• 1 оброк со спанаќ, блитва или млад кељ
• 1 чаша сок од свеж зеленчук (или една салата од различен зеленчук)
• 1 оброк богат со есенцијални масни киселини
• 1 до 2 јајца дневно
• Малку јаткасти плодови за грицкање
• 1 до 2 чаши исечкано свежо овошје и житарици
• Многу вода
• Два пати неделно леќа
• Три пати органско месо
• Еднаш неделно црн дроб

Исто така се препорачува:

• Јајца богати со витамин D и B12 и протеини
• Јаткасти плодови и семки, кои содржат омега 3, витамин Е, протеини и цинк. Јадете ги сирови и тоа посебно
• Месо – бирајте го месото од животните кои се одгледани во селски домаќинства
• Од зеленчук бирајте: спанаќ, кељ, блитва и здрава зелка. По бојата на зеленчукот можете приближно да ја одредите количината на витамините. Црвениот и зелениот зеленчук е богат со витамин С, а портокаловиот со витамин А. Трудете се преку денот да јадете што е можно поразличен зеленчук за да внесете повеќе различни витамини
• Од овошје јадете суви сливи, суво грозје, шипки, јагоди и боровници