На многумина наутро им е потребен дополнителен поттик за будење, што најчесто може да го даде само кофеинот, па затоа им е неопходно утринско кафе.
Но, сега Американецот Ден Меропол изуми начин како да се добие потребната доза кофеин, а да не мора да се пие кафе.
Меропол ја измислил пастата за заби „Пауер“ која испушта кофеин. На тој начин, се спојуваат двете навики кои се дел од утринската рутина на многу луѓе - миењето заби и пиење на првото кафе.
Кофеинската паста испушта до 60 милиграми кофеин при едно миење заби, кој се апсорбира низ забното месо. Пастата се уште има традиционален вкус на ментол, така што не мора да се грижите за дополнително освежување на здивот.
Производот се уште не е во продажба, затоа што Меропол собира финансиски средства за да може да започне со сериско производство.
Сепак се препорачува оваа пасата да не се користи пред спиење.