Волчја нога (Lycopus europaeus) е лековита билка, која расте на влажни ливади, покрај реки и потоци, како и по поплавени површини. Може да нарасне и до метар, има крупни листови и бројни густо збиени бели цветови, а цвета од јуни до август.
Надземниот дел на цветот е лековит, се собира така што се отсекува горната половина на билката, потоа се суши на сенка. Волчјата нога е богата со горчливи материи, танин и етерични масла. Во големи количини содржи флавоноид, фенолна киселина, како и минерали, флуор и манган.
Во народната медицина најчесто се користи како чај против тахикардија и слабост на срцето, а помага и при температура, дијареја, крвавење и бело прање. Во последните години најмногу се изучува нејзината делотворност во лечењето на посилна активност на тироидната жлезда. Истражувачите откриле дека екстрактот на билката делува на метаболизмот и лачи хормон кој ја подобрува работата на жлездата. Со редовно консумирање може да се нормализира работата на жлездата.
Кинезите отишле најдлабоко во ова истражување и докажале дека навистина помага при посилна активност на тироидната жлезда. При анализа на билката не се откриени никакви несакани последици.
Чај од волчја нога:
Две рамни лажички сушена билка се прелива со 2.5дл зовриена вода. Чајот оставете го поклопен 10 минути, а потоа исцедете го и испијте го. За да се постигне посакуваниот ефект, во текот на денот треба да пиете 2 шолји млак, незасладен чај.