Општо познато е дека жените во ПМС добиваат желба за поголема конзумација на храна како чипсови, тестенини и брза храна. Пред менструацијата често се јаде и многу чоколадо.
Без разлика дали природно се склони кон јадење благи работи или не, тие 10-на дена пред менструацијата се посебно критични за нив. Тие искусуваат подуеност, иритација, блага депресија, нагли промени во расположението, анксиозност...
Но, зошто токму потребата по чоколадо во тие денови?
Високите нивоа на хормони во раниот дел од менструалниот циклус предизвикуваат за зголемено ниво на инсулин во организмот, а инсулинот го регулира нивото на глукоза во крвта. Високите нивоа на инсулин во крвта резултираат со низок шеќер, и потребата да се надомести шеќерот е причината зошто голем дел посегнуваат по слатките чоколадни задоволства.
Во најчестите случаи чоколадото е прва опција за задоволување на тие пориви и начин на жените да ги балансираат хормоните за време на ПМС.
Но, како што напоменавме чоколадото не е единствениот избор за конзумација за време на ПМС. Често жените ќе се нагостат со цела вреќичка чипс или други видови на храна кои содржат јаглени хидрати. И тие како и чоколадото не се здрави, но која е разликата?
Па, со голем дел од нездравите производи, жените се обидуваат да го имитираат хормонот серотонин кој го има во секој од нас. Тој невро-трансмитер се верува дека е одговорен за „среќата“ и дека допринесува за чувството на задоволство во нашата глава.
Во период кога се со анксиозност, депресија, болки и подуеност жените ќе пронајдат било каков начин за да ја вратат среќата во нивните глави па дури и со големи количини во чипс.
Но, како поздрава верзија препорачуваме да конзумирате комплексни јаглени-хидрати кои се создадени од интегрално брашно, но и печени закуски, а не пржени во масло. Во тој период пијте калциум и магнезиум како начин за намалување на пред-менструалните болки.