Рихтер. Ова несомнено внесе паника кај населението, особено кај оние кои живеат на повисоките катови на висококатниците, па многумина решија да преспијат кај роднини и пријатели или пак го поминаа времето дружејќи се со соседите пред своите згради.
И додека никој не може со сигурност да предвиди дали следат нови афтершокови, а паниката не оди во прилог, некои луѓе по земјотресите велат дека имаат чувство на вртоглавица. Доколку имате впечаток дека телото ви „лебди“ и несигурно чекорите особено кога сте во затворен простор, не сте единствени.
Според едно истражување направено од јапонските научници, силните потреси може да предизвикаат вртоглавица со одложен ефект. За да ја одржи состојбата на рамнотежа, човечкиот мозок ги процесира информациите добиени од кожата, мускулите, очите и ушите. Силните потреси ја спречуваат оваа нормална функција и може да имаат ефект дури и ден, два по земјотресот. Во некои случаи, стресот и анксиозноста го активираат сеќавањето на тресењето, со што луѓето постојано имаат чувство дека повторно има земјотрес. Состојбата се нарекува пост земјотресен синдром на вртоглавица и е сосема нормална појава кога на определено подрачје има поголем број потреси.
Интересно е да се забележи дека овие симптоми почесто се јавуваат кога личноста е во затворена просторија или седи, отколку кога е на отворено.
Доколку по земјотресите кои ги почувствуваме во последните денови, имате чувство на вртоглавица и ве фаќа паника, најдоброто нешто што може да го направите е на кратко да излезете на отворено. Застанете со благо подраширени нозе и вдишете длабоко неколку пати, додека не го опуштите телото и повторно го вратите во баланс