Инсомнијата (несоницата) и прекумерното спиење подеднакво може да го зголемат ризикот од појава на срцеви проблеми, објави Асоцијацијата „Здраво срце“ од Америка.
Малкуте часови на сон, обично под 7 часа во ноќта може да предизвикаат срцеви проблеми, а и премногу часови поминати во сон (обично повеќе од 8) исто така може да предизвикаат исти проблеми во организмот на еден човек. Ова се резултатите до кои дошла докторката Мари Сент Пјер, која воедно е и професор на универзитетот Колумбија.
Недоволното спиење покрај срцеви болести, исто така може да предизвика и други болести како дијабетес, холестерол, проблеми со тироидната жлезда, а може да станете и подложни на воспаленија на белите дробови.
Кардиолозите препорачуваат 8 часа сон во текот на ноќта, и балансирана диета која не е богата со масти и “празни“ калории. Исто така за здраво срце особено по 40-та година е важно да не ја прекинувате физичката активност, а ако не сте ја имале претходно треба да ја вклучите во вашата дневна рутина.
Но, тие препорачуваат часовите поминати во спиење во текот на ноќта да не бидат помалку од 7 и повеќе од 8-9 бидејќи постојат големи шанси да ја загрозат работата на вашето срце.