Факт е дека мирисите влијаат многу посилно отколку што се мисли, а тоа го докажале и бројни истражувања. Со тоа мирисите имаат важен фактор во нашиот живот.
Благородните придобивки на етеричните масла се најразлични: смируваат, опуштаат, нè полнат со енергија, делуваат како афродизијак... Некои од нив може да го намалат и чувството на депресија, а кои се тие?
Бергамот
Маслото од бергамот делува антидепресивно. Ја подобрува циркулацијата и дава чувство на свежина, живост и енергија на оние кои се чувствуваат тажно и депресивно. Флавоноидите во етеричното масло на бергамот исто така опуштаат, ја смируваат нервозата, напнатоста и стресот, па освен за депресија, одлични се и за лечење на несоница и висок крвен притисок.
Лаванда
Маслото од лаванда веќе долго време се користи како помош за депресивната состојба, а една студија покажала дека капсули од 80мг масло од лаванда може да ги ублажи симптомите на депресија. На памук ставете неколку капки масло од лаванда и оставете го памукот покрај креветот пред спиење.
Камилица
Едно британско истражување покажало дека користењето на ова етерично масло при масажа, значително ја намалува болката кај пациентите заболени од рак. Римската камилица има сладок мирис, сличен на јаболката, а помага и при нестрпливост и лошо расположение. Исто така ги ублажува симптомите на ПМС и менопаузата кај жените.