Колку е тешко да се биде професионален спортист во одредени дисциплини? Никој не може да пресмета колку напор, пот и солзи се потребни за постигнување на добри резултати и освојување медали, но затоа може да се пресметаат потрошените калории, во зависност од спортот. Еве колку калории се трошат во одредени спортски дисциплини:
1) Маратон
Mаратонците кои освојуваат медали во просек трошат околу 2400 калории за помалку од 2 и пол часа и истрчани скоро 42 километри.
2) Трчање на 100 метри
Студија има докажано дека вежбање во траење од две и пол минути кое вклучува само 5 интензивни спринта од 30-тина секунди согорува околу 200 екстра калории дневно. Атлетичарите кои овие трки ги завршуваат за околу 11 секунди не трошат многу калории, но мора да се постојано на строг режим на специфична исхрана за да се лесни и имаат доволно енергија.
3) Пливање
Гласините велат дека Мајкл Фелпс внесува најмалку 12 000 калории дневно за да има доволно енергија за тренинзите, кога троши во просек 5200 калории за 6 часовен тренинг. Настапите за време на натпреварите траат нешто под две минути, за кое време се трошат околу 40 калории.
4) Теквондо
Борачите кои во просек имаат тежина од 63 до 110 килограми согоруваат помеѓу 66 и 112 калории за време на две борби од по две минути. Нивната исхрана пред натпреварувањата се состои од многу јаглехидрати и протеини, а професионалните спортисти препорачуваат храната да е од врвен квалитет.