Живееме во доба во која сме опседнати со технологијата и затоа не е за изненадување фактот дека многу од нас не се оддалечуваат од своите паметни телефони, дури и кога одат во тоалет. Сепак, токму оваа информација можеби ќе ве освести на време.
Научниците сметаат дека токму мобилните телефони се мошне опасни по здравјето на човекот ако се користат во тоалет. Но, како?
- Во малите пукнатини на телефонот може да влезат капки вода и честички од воздухот. Футролата во која го држиме телефонот најчесто е направена од пластика која е топла и претставува совршено место за размножување на бактериите, тврдат стручњаците.
Меѓу бактериите кои може да завршат на вашиот телефон, а со самото тоа и на вашето тело, се наоѓаат салмонела, ешерихија коли и многу други кои може да допринесат до сериозно здравствени проблеми.
Но, тоа не е сѐ, бидејќи од местата на кои го оставаме телефонот може да се пренесат бактерии кои потоа ги пренесуваме насекаде низ домот. Најдобро би било да не користите телефон додека сте во тоалетот, особено во тоалетот на работа, бидејќи низ него поминуваат повеќе луѓе, па токму затоа таму ризикот е значително поголем. Уште еден важен совет е да миете раце веднаш откако ќе излезете од тоалетот.